*~* ﺍﮮ ﺷﺮﯾﻒ ﺍﻧﺴﺎﻧﻮ *~*

Urdu Ghazals, Urdu Text Poetry,

{[['']]}

 

 

ﺍﮮ ﺷﺮﯾﻒ ﺍﻧﺴﺎﻧﻮ

ﺧﻮﻥ ﺍﭘﻨﺎ ﮨﻮ ﯾﺎ ﭘﺮﺍﯾﺎ ﮨﻮ

ﻧﺴﻞِ ﺁﺩﻡ ﮐﺎ ﺧﻮﻥ ﮨﮯ ﺁﺧﺮ

ﺟﻨﮓ ﻣﺸﺮﻕ ﻣﯿﮟ ﮨﻮ ﮐﮧ ﻣﻐﺮﺏ ﻣﯿﮟ

ﺍﻣﻦِ ﻋﺎﻟﻢ ﮐﺎ ﺧﻮﻥ ﮨﮯ ﺁﺧﺮ

ﺑﻢ ﮔﮭﺮﻭﮞ ﭘﺮ ﮔﺮﯾﮟ ﮐﮧ ﺳﺮﺣﺪ ﭘﺮ

ﺭﻭﺡِ ﺗﻌﻤﯿﺮ ﺯﺧﻢ ﮐﮭﺎﺗﯽ ﮨﮯ

ﮐﮭﯿﺖ ﺍﭘﻨﮯ ﺟﻠﯿﮟ ﮐﮧ ﺍﻭﺭﻭﮞ ﮐﮯ

ﺯﯾﺴﺖ ﻓﺎﻗﻮﮞ ﺳﮯ ﺗﻠﻤﻼﺗﯽ ﮨﮯ

ﭨﯿﻨﮏ ﺁﮔﮯ ﺑﮍﮬﯿﮟ ﮐﮧ ﭘﯿﭽﮭﮯ ﮨﭩﯿﮟ

ﮐﻮﮐﮫ ﺩﮬﺮﺗﯽ ﮐﯽ ﺑﺎﻧﺠﮫ ﮨﻮﺗﯽ ﮨﮯ

ﻓﺘﺢ ﮐﺎ ﺟﺸﻦ ﮨﻮ ﮐﮧ ﮨﺎﺭ ﮐﺎ ﺳﻮﮒ

ﺯﻧﺪﮔﯽ ﻣﯿّﺘﻮﮞ ﭘﮧ ﺭﻭﺗﯽ ﮨﮯ

ﺟﻨﮓ ﺗﻮ ﺧﻮﺩ ﮨﯽ ﺍﯾﮏ ﻣﺴﺌﻠﮧ ﮨﮯ

ﺟﻨﮓ ﮐﯿﺎ ﻣﺴﺌﻠﻮﮞ ﮐﺎ ﺣﻞ ﺩﮮ ﮔﯽ

ﺁﮒ ﺍﻭﺭ ﺧﻮﻥ ﺁﺝ ﺑﺨﺸﮯ ﮔﯽ

ﺑﮭﻮﮎ ﺍﻭﺭ ﺍﺣﺘﯿﺎﺝ ﮐﻞ ﺩﮮ ﮔﯽ

ﺍﺱ ﻟﺌﮯ ﺍﮮ ﺷﺮﯾﻒ ﺍﻧﺴﺎﻧﻮ!

ﺟﻨﮓ ﭨﻠﺘﯽ ﺭﮨﮯ ﺗﻮ ﺑﮩﺘﺮ ﮨﮯ

ﺁﭖ ﺍﻭﺭ ﮨﻢ ﺳﺒﮭﯽ ﮐﮯ ﺁﻧﮕﻦ ﻣﯿﮟ

ﺷﻤﻊ ﺟﻠﺘﯽ ﺭﮨﮯ ﺗﻮ ﺑﮩﺘﺮ هے

ﺑﺮﺗﺮﯼ ﮐﮯ ﺛﺒﻮﺕ ﮐﯽ ﺧﺎﻃﺮ

ﺧﻮﮞ ﺑﮩﺎﻧﺎ ﮨﯽ ﮐﯿﺎ ﺿﺮﻭﺭﯼ ﮨﮯ

ﮔﮭﺮ ﮐﯽ ﺗﺎﺭﯾﮑﯿﺎﮞ ﻣﭩﺎﻧﮯ ﮐﻮ

ﮔﮭﺮ ﺟﻼﻧﺎ ﮨﯽ ﮐﯿﺎ ﺿﺮﻭﺭﯼ ﮨﮯ

ﺟﻨﮓ ﮐﮯ ﺍﻭﺭ ﺑﮭﯽ ﺗﻮ ﻣﯿﺪﺍﮞ ﮨﯿﮟ

ﺻﺮﻑ ﻣﯿﺪﺍﻥِ ﮐﺸﺖ ﻭﺧﻮﮞ ﮨﯽ ﻧﮩﯿﮟ

ﺣﺎﺻﻞِ ﺯﻧﺪﮔﯽ ﺧِﺮﺩ ﺑﮭﯽ ﮨﮯ

ﺣﺎﺻﻞِ ﺯﻧﺪﮔﯽ ﺟﻨﻮﮞ ﮨﯽ ﻧﮩﯿﮟ

ﺁﺅ ﺍﺱ ﺗﯿﺮﮦ ﺑﺨﺖ ﺩﻧﯿﺎ ﻣﯿﮟ

ﻓﮑﺮ ﮐﯽ ﺭﻭﺷﻨﯽ ﮐﻮ ﻋﺎﻡ ﮐﺮﯾﮟ

ﺍﻣﻦ ﮐﻮ ﺟﻦ ﺳﮯ ﺗﻘﻮﯾﺖ ﭘﮩﻨﭽﮯ

ﺍﯾﺴﯽ ﺟﻨﮕﻮﮞ ﮐﺎ ﺍﮨﺘﻤﺎﻡ ﮐﺮﯾﮟ

ﺟﻨﮓ، ﻭﺣﺸﺖ ﺳﮯ ﺑﺮﺑﺮﯾّﺖ ﺳﮯ

ﺍﻣﻦ، ﺗﮩﺬﯾﺐ ﻭ ﺍﺭﺗﻘﺎ ﮐﮯ ﻟﺌﮯ

ﺟﻨﮓ، ﻣﺮﮒ ﺁﻓﺮﯾﮟ ﺳﯿﺎﺳﺖ ﺳﮯ

ﺍﻣﻦ، ﺍﻧﺴﺎﻥ ﮐﯽ ﺑﻘﺎ ﮐﮯ ﻟﺌﮯ

ﺟﻨﮓ، ﺍﻓﻼﺱ ﺍﻭﺭ ﻏﻼﻣﯽ ﺳﮯ

ﺍﻣﻦ، ﺑﮩﺘﺮ ﻧﻈﺎﻡ ﮐﯽ ﺧﺎﻃﺮ

ﺟﻨﮓ، ﺑﮭﭩﮑﯽ ﮨﻮﺋﯽ ﻗﯿﺎﺩﺕ ﺳﮯ

ﺍﻣﻦ، ﺑﮯ ﺑﺲ ﻋﻮﺍﻡ ﮐﯽ ﺧﺎﻃﺮ

ﺟﻨﮓ، ﺳﺮﻣﺎﺋﮯ ﮐﮯ ﺗﺴﻠّﻂ ﺳﮯ

ﺍﻣﻦ، ﺟﻤﮩﻮﺭ ﮐﯽ ﺧﻮﺷﯽ ﮐﮯ ﻟﺌﮯ

ﺟﻨﮓ، ﺟﻨﮕﻮﮞ ﮐﮯ ﻓﻠﺴﻔﮯ ﮐﮯ ﺧﻼﻑ

ﺍﻣﻦ، ﭘُﺮ ﺍﻣﻦ ﺯﻧﺪﮔﯽ ﮐﮯ ﻟﺌﮯ

----------------------------

Talib E Dua

Mrs Rubina Yasmeen

==================